Firecracker related injuries, nasa 455

Hanggang January 5 (araw ng Martes) magbibilang ang Department of Health ng mga firecracker-related incidents para sa nakalipas na pagdiriwang ng Pasko at pagsalubong sa Bagong Taon.

Batay sa daily update ng DOH kahapon (January 02), nasa 455 ang mga kasong firecracker-related.

Tumaas ang bilang kumpara sa nairekord na 384 cases noong nakaraang Biyernes (January 01).

Sa East Avenue Memorial Medical Center, pumalo na sa walumpu’t pito ang mga firecracker-related incidents.

Sa Jose Reyes Memorial Medical Center naman, aabot na sa 104 ang kabuuang biktima na isinugod doon at nilapatan ng lunas.

Karamihan pa rin sa mga kaso ay dahil sa Piccolo at kwitis.