100 gramo ng shabu kumpiskado sa Dumaguete City

Nakumpiska ang mahigit isang daang gramo ng hinihinalang shabu sa ikinasang buy-bust operation sa Dumaguete City, Linggo ng gabi.

Ayon sa Philippine Drug Enforcement Agency (PDEA) Regional Office 7 – Central Visayas, nagresulta rin ang operasyon sa pagkakaaresto sa suspek na si Alberto Racal, trenta y dos anyos, sa Purok 9, Barangay Bantayan.

Nakuha rin kay Racal ang pink pouch at isang itim na Honda Wave.

Naging katuwang ng PDEA sa nasabing operasyon ang Philippine National Police (PNP) sa Negros Oriental.

Sasampahan na ang suspek ng mga karampatang kaso.