2 Chinese nationals na walang work permit at visa, arestado sa Samar
Arestado ng mga tauhan ng Bureau of Immigration (BI) ang dalawang Chinese nationals dahil sa pagbebenta ng mga retail goods nang walang kaukulang work permit at visa sa Catbalogan City sa Samar.
Nakilala ang mga naaresto na sina Wu Zhijie, 26 taong gulang, at Wu Jiajiang, 51 taong gulang.
Ayon sa BI, nabigong magpakita ng kanilang travel o immigration documents ang dalawang Chinese nationals.
Kasalukuyang nasa Immigration Detention facility sa Taguig ang mga naaresto habang hinihintay ang kanilang deportation pabalik ng China.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.