Nilinaw ng Film Academy of the Philippines (FAP) na hindi pa pormal na napipili ang pelikulang “Dagsin” (Gravity) para sa 92nd Academy Awards o Oscars 2020.
Ayon aky FAP Director General Leo Martinez, hindi pa tiyak na pasok ang nasabing pelikula sa shortlist ng International Film Feature Category ng prestihiyosong academy awards bilang pambato ng Pilipinas.
Sinabi rin nito na pagkatapos pa ng October 1 ihahayag kung anong pelikula ang magiging pambato ng Pilipinas sa 2020 Oscar Awards.
Ang pelikulang dagsing ay pinagbibidahan ng mga batikang aktor na sina Tommy Abuel at Marita Zobel, kung saan ang istorya nito ay tunkol sa nawalan ng pananalig sa diyos ng isang beterano ng World War 2.
Noong 2016, ipinalabas ang naturang pelikula sa Cinemalaya Philippine Independent Film Festival.
Samantala, sa February 9, 2020 gaganapin ang 92nd Academy Awards sa Dolby Theater Hollywood, Los Angeles, California.