4 patay sa pagkaladkad ng trak sa ilang jeepney sa Antipolo City

Dead-on-the-spot ang apat katao sa naganap na karambola ng mga sasakyan sa Antipolo City.

Pasado alas-tres ng hapon nangyari ang aksidente sa bahagi ng Sumulong Highway sakop ng Barangay Mambugan.

Pababa sa kurbadang bahagi ng Sumulong Highway ang isang trak nang mawalan ng kontrol ang driver nito.

Tatlong mga pampasaherong jeepney ang kinaladkad ng trak bago ito tumagilid.

Inaalam pa ng mga otoridad ang pagkakakilanlan ng mga biktima samantalang nasa kustodiya na rin nila ang driver ng trak na pansamantala munang hindi pinangalanan.

Kasalukuyan namang ginagamot sa isang ospital ang mga sugatan na pawang mga pasahero rin ng nakaladkad na mga jeepeney.