Balik-Eskuwela na ang mga pam-publikong paaralan sa Lunes, Enero 4

Balik eskwela na ang lahat ng estudyante sa mga pampublikong paaralan sa elementary at high school sa Metro Manila sa Lunes, January 4 matapos ang 16-day na Christmas break ayon sa Department of Education.

Kasunod nito, pinirmahan na ni DepEd Secretary Armin Luistro ang isang department order na nag-aapruba sa kalendaryo ng kasalukuyang school year.

Base sa utos, maaaring baguhin ng mga private school ang school calendar na inilabas ng DepEd ngunit dapat naaayon sa Republic Act 7797 na nagtatakda ng mga probisyon kung gaano dapat katagal ang isang academic year.

Ang kasalukuyang school year ay mayroong 201 na school days.