Sept. 13 idineklarang holiday sa Cordillera Administrative Region

Idineklara ng Malakanyang na special non-working day sa September 13, 2019 sa Cordillera Administrative Region (CAR).

Sa Proclamation No. 802 na may petsang August 29, 2019, nakasaad na holiday sa naturang petsa sa CAR bilang pag-alala sa 1986 Sipat Peace Talks.

Nais ng Palasyo na magkaroon ng pagkakataon ang mga taga-CAR na ipagdiwang ang okasyon sa pamamagitan ng pagsama sa mga seremonya.

Ang Sipat Peace Talks ay ang usapang pangkapayapaan sa mga militia, partikular ang mga rebelde, sa rehiyon.

Ang salitang sipat ay tumutukoy sa ritual na nagsuspinde sa mga karahasan sa CAR na pinangunahan ng administrasyon ni dating Pangulong Corazon Aquino at ang tinaguriang rebel priest na si Father Conrado Balweg.