M3.4 na lindol naitala sa Davao Oriental

Niyanig ng magnitude 3.4 na lindol ang bahagi ng Davao Oriental ala-1:31 Biyernes ng madaling araw.

Ayon sa Phivolcs, ang episentro ng lindol ay sa layong 149 kilometro Timog-Silangan ng bayan ng Governor Generoso.

May lalim ang pagyanig na 72 kilometro at tectonic ang pinagmulan.

Dahil nasa tubig, hindi naman ito nagdulot ng pinsala sa mga ari-arian at wala ring inaasahang aftershocks.