San Juan #WalangPasok sa opisina at eskwelahan ngayong araw

Walang pasok sa lahat ng antas sa mga pampubliko at pribadong eskwelahan at maging sa mga opisina ng gobyerno at pribadong sektor sa lungsod ng San Juan, ngayong Biyernes, August 30.

Ayon sa anunsyo ng San Juan City government, ang kanselasyon ng pasok ay upang gunitain ang ika-123 Araw ng Pinaglabanan.

Ang Labanan sa Pinaglabanan ay ang unang engkwentro sa pagitan ng Katipunan at ng Spanish Guardia Civil noong August 30, 1896.

Mayroong programa mamayang alas-7:45 ng umaga ang lokal na pamahalaan sa Pinaglabanan Shrine.

Tema ng komemorasyon ngayong taon ay ‘Para sa Pagbabago at Pagkakaisa’.