Rainfall advisory, itinaas sa Metro Manila at ilang lalawigan sa Luzon

Asahan ang mahina hanggang katamtamang lakas ng ulan sa Metro Manila, Bulacan at Cavite, Huwebes ng gabi.

Base sa rainfall advisory ng PAGASA bandang 5:07 ng hapon, ito ay dahil sa umiiral na southwest monsoon o habagat.

Mararanasan ang sama ng panahon sa susunod na dalawa hanggang tatlong oras.

Maliban dito, mahina hanggang katamtamang buhos ng ulan din ang mararamdaman sa Zambales, Bataan, Pampanga at Nueva Ecija.

Inabisuhan naman ang publiko at mga Disaster Risk Reduction and Management Office na manatiling nakatutok sa lagay ng panahon.