Tinanggap ni Alden Richards ang Asian Star Prize sa Seoul International Drama Awards.
Ayon sa aktor, espesyal ang parangal dahil nakuha niya ito kasabay ng 70 taong dimplomatikong ugnayan ng Pilipinas at South Korea.
Sa kanyang talumpati ay sinabi Alden na karangalan na tanggapin ang award at nagpapakumbaba at nagpapasalamat siya sa pagkilala sa kanya ng international drama scene.
Ang Asian Star prize ay isang non-competition category sa Seoul International Drama Awards na kumikilala sa galing ng produksyon ng mga television dramas sa buong mundo.
Ito na ang pangalawang international award ng aktor.
Noong 2017 ay nakakuha ito ng silver medal sa New York Festival para sa kanyang pagganap sa martial law drama ng GMA-7 na “Alaala.”
Pangatlo naman na si Alden sa mga Filipino actors na nanalo ng naturang award kasunod nina Gabby Concepcion at Dennis Trillo.