Sorry ng may-ari ng Chinese fishing boat sa Recto Bank incident tinanggap ng Palasyo

Maluwag na tinanggap ng palasyo ng malakanyang ang sorry ng may-ari ng Chinese vessel na bumangga sa bangka ng mga Filipinong mangingisda sa Recto Bank noong June 9.

Ayon kay Presidential Spokesman Salvador Panelo, welcome sa Palasyo ang pagpapakumbaba ng may-ari ng Chinese vessel.

Patunay aniya ito na inaako ng may-ari ng Chinese vessel ang responsibilidad at pagkilala sa pangangailangang maibigay ang halaga ng pinsalang idinulot ng aksidente sa mga mangingisdang Pinoy.

Ginawa ng may-ari ng chinese vessel ang paghingi ng paumanhin kasabay ng muling pagtungo ni Pangulong Rodrigo Duterte sa China para sa bilateral talks kay Chinese President Xi Jinping.