Nailipat na ang nasa 4,053 na piraso ng bagong riles para sa gagawing rail replacement activities ng Metro Rail Transit Line 3 (MRT-3) sa tracks laydown yard sa Parañaque City.
Sa Twitter, sinabi ng Department of Transportation MRT-3 na sinimulang ilipat ang mga riles na may habang 18 metro mula Harbour Port Center sa Maynila noong August 20, 2019.
Ipapalit ito sa mga lumang riles ng MRT-3 sa buwan ng Nobyembre hanggang Pebrero sa taong 2021.
Nakatakdang simulan ang konstruksyon sa bahagi ng welding area ng MRT-3 Taft Avenue Station sa unang araw ng Setyembre.
Makatutulong ang mga bagong riles para maiwasan ang matagtag na biyahe ng tren na nagiging sanhi ng aberya.
MOST READ
LATEST STORIES