Nagtangka umano ang Islamic State group na maglunsand ng suicide bomb attack sa Munich, Germany kasabay sa pagsalubong ng Bagong Taon.
Ayon sa German authorities, nakatanggap sila ng impormasyon mula sa “friendly intelligence service” hinggil sa plano ng IS nan a gawin ang pag-atake hatinggabi o habang abala ang lahat sa pagidiriwang ng Bagong Taon.
Sinabi ni Munich police chief Hubertus Andrae, lima hanggang pitong mga suspek umano ang magsasagawa ng pag-atake.
Ang nasabing impormasyon ang nagbunsod sa mga otoridad sa Munich para ilikas ang mga tao sa dalawang rail station sa Munich.
Agad nagtalaga ng 550 na pulis para hagilapin ang mga suspek na sangkot sa naharang na pag-atake.
MOST READ
LATEST STORIES