Mountain Province isinailalim sa state of calamity dahil sa dengue

Isinailalim na sa state of calamity ang Mountain Province bunsod ng paglobo ng kaso ng sakit na Dengue.

Sa inilabas na resolusyon, inirekomenda ng Provincial Disaster Risk Reduction and Management Council (PDRRMC) ang deklarasyon sa probinsya para matiyak ang agarang hakbang laban sa sakit.

Sa huling ulat ng Provincial Health Office, nasa kabuuang 503 na kaso ang naitala sa probinsya sa taong 2019.

Malayo ang taas nito kumpara sa naitalang 117 na kaso noong 2018.

Sa tala ngayong taon, dalawa na ang nasawi dahil sa nasabing sakit.