Suspensyon ng klase sa Maynila, all levels na; class suspension sa Makati hanggang pre-school lang

Ginawa nang all levels ang suspensyon ng klase sa Maynila.

Ang update sa class suspension sa lungsod ay inilabas alas 9:00 ng umaga base sa utos ni Manila City Acting Mayor Honey Lacuna.

Inaasahan kasi umano ang moderate hanggang heavy na pag-ulan simula mamayang tanghali.

Bago mag-alas 7:00 ng umaga nang mag-anunsyo ang pamahalaang lungsod ng suspensyon ng klase para sa pre-school hanggang senior high school.

Suspendido na ang klase sa lahat ng antas sa halos lahat ng lugar sa buong Metro Manila.

Maliban lamang sa Pasig City na hanggang senior high school lang ang suspensyon at sa Makati City na pre-school lamang ang suspensyon.