P1.3M shabu nasabat sa buy-bust sa Maynila

Nasamsam ang aabot sa P1.3 milyong pisong halaga ng shabu sa buy-bust operation sa Quiapo, Maynila, Martes ng madaling araw.

Ayon kay Sta. Cruz Police Station Drug Enforcement Unit chief P.Capt. Kerwin Evangelista, arestado sa operasyon ang isang 23-anyos na suspek na galing pang Cotabato.

Lumuwas sa Maynila ang suspek para magbenta ng droga.

Matagal nang minamanmanan ng mga pulis ang suspek.

Nakuhaan ito ng 200 gramo ng shabu.

Umamin ang suspek na nagdedeliver siya ng droga sa mga tulak na nagbebenta naman sa mga kalsada.

Mahaharap ngayon ang suspek sa kasong paglabag sa Comprehensive Dangerous Drugs Act of 2002.