COA handang i-audit ang PhilHealth funds ayon kay Senator Drilon
Sinabi ni Senate Minority Leader Franklin Drilon na pumayag na ang Commission on Audit (COA) na suriin ang pondo ng PhilHealth.
Ngunit ayon pa rin kay Drilon umangal na agad ang COA sa hirap na makakuha ng mga inpormasyon at documento para sa isasagawang audit.
Dagdag pa ng senador maaring ang mga nabunyag na ‘diumano’y anomalya ay simula pa lang at maaring marami pa ang madiskubre.
Aniya dapat pag usapan nina COA Chair Michael Aguinaldo at Philhealth President Ricardo Morales ang mga mekanismo sa isasagawang special audit para malaman ang tunay na lagay ng pondo ng ahensiya.
Nangangamba si Drilon na kapag hindi naging maayos ang paggamit ng pondo ng PhilHealth lubos na maapektuhan ang public health system ng bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.