Pagtulong sa kapwa, pagpapakita na rin ng kabayanihan ayon kay VP Robredo

Ang pagtulong sa kapwa ay pagpapakita rin ng pagiging bayani.

Ito ang mensahe ni Vice President Leni Robredo ngayong ginugunita ang National Heroes Day.

Ayon kay Robredo, ang kalayaan at progreso ay makakamit hindi lamang dahil sa pagiging bayani ng isang tao kundi dahil sa ‘heroic acts’ ng bawat indibidwal.

Sinabi ni Robredo na wala din sa iisang pinuno ang ikagaganda ng kinabuksan ng bansa kundi sa pagtutulungan ng lahat.

Dagdag pa ni Robredo, sa panahong marami ang banta sa demokrasya at soberanya ng bansa, nawa ay patuloy na manindigan ang bawat isa para sa kalayaan at karapatang ipinaglaban ng mga naunang henerasyon.