Susunod na Android OS, tatawagin na lamang Android 10

By Rhommel Balasbas August 24, 2019 - 04:19 AM

Inihayag ng Google ang nakaambang pagtigil sa pagpapangalan ng pagkain sa kanilang mobile operating systems.

Sa nakalipas na mga taon, ang android versions ay ipinangalan sa sweet desserts tulad ng Jellybean, Kitkat, Lollipop, Marshmallow, Nougat, Oreo at Pie.

Pero sa bagong henerasyon ng Android OS, imbes na ipangalan ang Android Q sa isang pagkain, tatawagin na lamang itong Android 10.

Paliwanag ni Android vice president of product management Sameer Samat, bilang global operating system, mahalagang ang mga pangalan ay malinaw at naiintindihan ng kahit anong lahi sa buong mundo.

“As a global operating system, it’s important that these names are clear and relatable for everyone in the world. So, this next release of Android will simply use the version number and be called Android 10,” ani Sameer.

Maging ang android logo ay binago rin ng google at ginawang mas moderno at may ‘accessible look’.

Inaasahang magiging available na sa mga high-end devices sa mga susunod na linggo ang Android 10.

 

TAGS: accessible look, Android 10, Android OS, google, high-end devices, logo, mobile operating systems, moderno, sweet dessert, accessible look, Android 10, Android OS, google, high-end devices, logo, mobile operating systems, moderno, sweet dessert

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.