Iginiit ng Palasyo ng Malakanyang na hindi kwalipikado si convicted rapist-murderer at dating Calauan, Laguna Mayor Antonio Sanchez sa mga posibleng maagang mapalaya dahil sa Good Conduct Time Allowance.
Ayon kay Presidential spokesman Salvador Panelo, sa kaniyang pag-rebyu sa Republic Act 10592, nakasaad na hindi pasok sa batas ang mga recidivist, habitual delinquent, tumakas at kriminal na sangkot sa heinous crimes.
Sa kasong paggahasa at pagpatay sa estudyante si Eileen Samenta at Allan Gomez noong 1993, hindi aniya kwalipikado ng benepisyo si Sanchez.
Suportado aniya ng Palasyo ang hakbang ng Bureau of Corrections (BuCor) na maging maingat sa recomputation ng mga GCTA sa lahat ng kaso.
Dagdag pa ni Panelo, welcome rin sa Palasyo ang nais ng mga mambabatas na magsagawa ng pagdinig ukol sa posibleng pagpapalaya kay Sanchez.
Matatandaang iginiit din ni Justice Secretary Menardo Guevarra na hindi kwalipikado si Sanchez sa nasabing batas.