Ayon kay Go, dapat nang itigil ni Sanchez ang pangarap na makalalabas pa siya ng New Bilibid Prison.
Nais ni Go na patuloy na pagbayaran ni Sanchez ang kasalanan nito sa kulungan.
Sinabi pa ng senador na baka nga mas ligtas pang lugar ang NBP para sa dating alkalde.
“Mr Sanchez, ‘wag ka nang mangarap na makalaya pa. Ipagpatuloy mo na lang pagbayaran ang mga kasalanan mo dyan sa loob, kaysa lumabas ka, baka umikli pa ang iyong buhay,” ani Go.
Pero ang pahayag ni Go ay taliwas sa unang posisyon ng kanyang kapartido at kapwa Senador na si Ronald Dela Rosa na deserve umano ni Sanchez ang “second chance.”
Kalaunan ay sinabi ni Senator Bato na dapat ay binitay na noon pa ang dating alkalde dahil sa ginawa nitong karumal-dumal na krimen.