DOTr: Kumuha ng ‘Free Student Ride ID’ umabot na ng 46,096
Umabot na ng 46,096 na mga estudyante ang kumuha ng Free Student Ride ID sa Metro Rail Transit Line 3 (MRT-3) base sa pinagkabagong datos na inilabas ng Department of Transportation (DOTr).
Ayon kay Transportation Secretary Arthur Tugade, mga mag-aaral mula pre-school hanggang kolehiyo kasama na ang mula sa mga trade/vocational school, ang nag-benepisyo sa nasabing programa.
Iniuulit ni Tugade na hanggang ngayon ay maaari pa ring kumuha ng Free Student Ride ID at bukas it sa lahat na mga mag-aaral.
Aniya ang nais mag-apply ng Free Student Ride ID ay magdala lang school ID, filled-up registration form, at 2×2 ID picture sa mga Malasakit Help Desks na makikita sa MRT-3 stations o bisitahin ang kanilang website.
Sabi naman ni Tugade hindi kasama dito ang mga estudyanteng kumukuha ng graduate studies.
Maliban sa MRT-3, kaasama rin sa Free Student Ride ang Light Rail Transit – 1 (LRT-1), LRT-2, at Philippine National Railway (PNR).
Naging epektibo ang libreng sakay ng mga estudyante sa MRT 3, LRT 1 at 2 at PNR noong July 1.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.