Dating Sen. Ninoy Aquino Jr., isinakripisyo ang sarili para makapagpatalsik ng diktador – VP Robredo

Isinakripisyo ni dating Senador Ninoy Aquino Jr. ang kaniyang buhay para makapagpatalsik ng diktador.

Bahagi ito ng mensahe ni Vice President Leni Robredo ngayong ginugunita ang ika-36 na anibersaryo ng kamatayan ni Ninoy.

Ayon kay Robredo ang pagkasawi ni Ninoy Aquino ay naging inspirasyon sa mga tao para magsama-sama upang mapatalsik noon ang diktaturyang Marcos.

Sinabi ni Robredo na maraming iba pa ang nagsasalita hinggil sa kahandaang mamatay para sa bansa, pero si Ninoy ang isa sa mga nakagawa nito.

Kasabay ng paggunita sa death anniversary ni Ninoy, sinabi ni Robredo na dapat ding alalahanin ang libu-libong mga FIlipino ang nagsakripisyo din para makamtam ng bansa ang kalayaan.