Bala na tumama at ikinamatay ng bata sa Bulacan, hindi ligaw

Accidental firing at hindi ligaw na bala ang dahilan ng pagkasawi ng isang siyam na taong gulang na babae na si Lorena Cruz sa Norzagaray, Bulacan noong araw ng Pasko.

Ayon sa imbestigasyon ng Norzagaray Police, ang kapatid ng biktima na si Joel Cruz, 26 anyos ang nakapatay sa bata.

Isinabit sa dingding ni Cruz ang kanyang caliber .22 na baril na kinonvert bilang air gun at nalaglag.

Matapos malaglag ang baril, pumutok ito at natamaan ang bata.

Nasaksihan ng buong pamilya ang insidente.

Ayon pa sa pnp. Itinapon na umano ni Cruz ang baril sa ilog dahil ayaw niyang makita ito at naalala ang nasawing kapatid.

Nahaharap na ngayon sa kasong homicide si Cruz.