5 drug suspects arestado sa magkakahiwalay na operasyon sa Maynila

Arestado ang limang drug suspects sa magkakahiwalay na mga anti-drugs operation sa lungsod ng Maynila Miyerkules ng madaling araw.

Una rito ay inaresto ang isang suspek na nakilala sa alyas BJ sa operasyon ng Manila Police District Station 4 sa España Boulevard at Loyola Street.

Ininguso ng suspek ang supplier nito ng droga kaya nagsagawa ng buy bust operation at nahuli ang magkapatid na nakilala sa mga alyas na Weng, Aba at kasama nilang si alyas Bomer.

Nakuha sa 3 ang P180,000 na halaga ng droga.

Sunod dito ay isa pang operasyon ang isinagawa sa Miguelin St. kung saan naaresto naman ang isang babaeng vendor.

Nakumpiska sa tindera ang droga na nagkakahalaga ng P120,000.