Sa pagdinig ng pinamumunuan niyang Committee on Energy muling hinanap ni Gatchalian ang plano at istratehiya na una niyang hiningi may isang taon na ang nakakalipas sa DOE.
Ayon kay Gatchalian gusto niya na magkaroon na ng kuryente ang lahat ng kabahayan sa bansa at sa hinihingi niyang plano malalaman kung paano ito isasagawa.
Tinanggap muli ng senador ang mga dahilan ng mga taga-DOE kayat binigyan niya ang mga ito ng hanggang sa darating na Huwebes para isumite sa komite ang kanyang hinihingi.
Kasabay nito, pinalagpas pa rin ni Gatchalian ang muling hindi pagdalo ni Energy Sec. Alfonso Cusi sa pagdinig, ngunit nagpaalala na rin ang senador na sa susunod na hearing ay gusto niyang personal na magpaliwanag ukol sa kanilang istratehiya na sa taon 2022 ang lahat ng kabahayan sa bansa ay may kuryente na.