Mga naiambag ni Gina Lopez sa bansa kinilala ng ilang mga senador
Nagparating ng pakikiramay ang mga senador sa mga naiwang kaanak at kabigan ni dating Environment Secretary Gina Lopez.
Nagpasalamat sina Senadora Nancy Binay at Leila de Lima sa ipinamalas na determinasyon para sa paglilingkod sa gobyerno at bansa.
Sinabi pa ni Binay na nagsilbing inspirasyon si Lopez sa kaniyang passion para sa pag-iingat sa kalikasan.
Binanggit din nina Senador Richard Gordon at Grace Poe na laging maaalala ang kaniyang passion para sa kalikasan.
Kinilala naman ni Senador Sonny Angara ang pagiging aniya’y ‘one-person green warrior’ ni Lopez.
Aniya, pinatunayan ni Lopez ang pagiging magandang halimbawa para sa kaniyang mga adbokasiya para ingatan ang mundong tinitirhan ng lahat ng tao.
Samantala, tinawag naman ni Senate President Pro Tempore Ralph Recto si Lopez bilang “great secretary of defense of our natural resources.”
Nagpaabot naman ng panalangin sina Senador Joel Villanueva at Ramon “Bong” Revilla Jr. para sa pamilya ni Lopez.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.