ALAMIN: Mga aktibidad para sa paggunita ng Quezon City Day ngayong araw
Magkakaroon ng commemorative program sa Museo ni Manuel Quezon sa Quezon City Memorial Circle (QCMC) ngayong araw bilang paggunita sa ika-141 kaarawan ni dating Pangulong Manuel Luis Quezon.
Guest of honor sa programa si Rafael Harpaz, Ambassador of Extraordinary and Plenipotentiary ng Embassy of the State of Israel.
Si Quezon, presidente ng Republika ng Commonwealth ay ipinanganak sa Baler, Aurora.
Hinangaan si Quezon maging ng ibang mga bansa dahil sa kanyang pagkupkop sa 1,200 Jewish refugees sa kasagsagan ng European holocaust.
Bukod sa programa sa QCMC, may special block screening ng mga pelikulang Larawan at Quezon’s Game mamayang alas-11:00 ng umaga at alas-3:00 ng hapon sa Cinema 1 ng Trinoma Mall.
Ito ay hatid ng tanggapan ni Quezon City Mayor Joy Belmonte at ng QC Tourism Department.
Free ang film showing kailangan lamang mag-pre-register ng mga residente ng lungsod dala ang kanilang QC LGU IDs.
Samantala, alinsunod sa Republic Act No. 6741, ang August 19 ay special non-working public holiday sa Quezon City at mga lalawigan ng Quezon at Aurora.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.