Ang sagutan ng dalawa ay sa gitna ng mga pamgamba ukol sa posibilidad ng pag-eespiya ng Chinese workers mula sa Philippine Offshore Gaming Operators (POGO) outlets na nakatayo mismo malapit sa mga kampo ng militar at pulisya sa Metro Manila.
Isinapubliko ni Panelo ang isang text message mula kay Chinese Ambassador Zhao Jianhua na tila umano’y pagbabanta sa Malacañang na maaari ring akusahan ng China ang overseas Filipino workers ng pag-eespiya.
Ito ang dahilan ng pagkwestyon ni Lacson sa trabaho ni Panelo na parang nagpapaliwanag pa para sa China.
Pero depensa ni Panelo, walang mali sa pagbahagi niya ng text message ni Jianhua at trabaho niya anyang magsapubliko ng impormasyon ukol sa mga pambansang isyu kabilang na ang may kinalaman sa overseas Filipino workers (OFWs).
“There is nothing wrong with sharing the text message of Chinese Ambassador Zhao Jianhua as the same was made to provide a context and response to a query from a media reporter,” ani Panelo.
Ayon kay Panelo, baka kailangan ding ikonsidera ang opinyon ng China para sa mga gagawing aksyon ng gobyerno bilang pagrespesto na rin sa Chinese nationals na nagtatrabaho sa bansa.
“As his spokesperson, I take it as my responsibility to inform the public because China’s stance may need to be considered in any policy or government action with respect to Chinese nationals working here,” giit ni Panelo.
Sinabi pa ng kalihim na kung hindi ‘concerned’ ang senador sa kapakanan ng mga OFWs, ang Office of the President ay may pakialam.
Pero sa pamamagitan muli ng isang tweet, sinabi ni Lacson na hindi na naman nakuha ni Panelo ang punto.
Hindi anya isyu ang kapakanan ng mga OFW o ang pahayag ng Chinese ambassador na nagtatanggol sa posisyon ng kanilang bansa.
Giit ni Lacson, ang isyu ay ang tila pag-agaw ni Panelo sa trabaho ng tagapagsalita ng Chinese embassy.
“Ambassador Zhao sent me a text. He said, ‘What if we also think that your overseas workers are also spying on us. What can you say about that?’…PRESIDENTIAL SPOKESPERSON OR CHINESE EMBASSY SPOKESMAN?
— PING LACSON (@iampinglacson) August 18, 2019
My good friend Sec Sal has once again missed the point. The issue is not about the welfare of our OFW’s or the Chinese ambassador’s statement in trying to defend his country’s position. It’s him taking on the job of the embassy’s spokesperson.
— PING LACSON (@iampinglacson) August 18, 2019