P170K halaga ng shabu, nasamsam sa Cebu City

Timbog ang tatlong katao sa ikinasang buy-bust moperation ng pulisya sa Barangay Calamba sa Cebu, Sabado ng gabi.

Nakilala ang mga suspek na sina Antonia ‘Nonie’ Jaca, Jean Jean Flores, at Donal Soco.

Nakuha sa tatlo ang limang pakete ng hinihinalang shabu na may bigat na 25 gramo at nagkakahalaga ng P170,000.

Nasa kustodiya na ng pulisya ang mga suspek at sasampahan naman ng kasong paglabag sa Republic Act 9165 o Comprehensive Dangerous Drugs Act of 2002.