Habagat magpapaulan sa extreme northern Luzon
Walang sama ng panahon na mamumuo sa loob ng Philippine Area of Responsibility (PAR) sa susunod na dalawa hanggang tatlong araw.
Ayon sa 4am weather update ng PAGASA, southwest monsoon o Habagat pa rin ang nakakaapekto sa Kanlurang bahagi ng Hilaga at Gitnang Luzon.
Dahil sa Habagat, ang extreme northern Luzon ay makararanas ng maulap na kalangitan na may pulo-pulong pag-ulan, pagkulog at pagkidlat.
Sa nalalabing bahagi naman ng bansa kabilang na ang Metro Manila ay maaliwalas ang panahon na may posibilidad ng mga pag-ulan sa hapon o gabi dulot ng localized thunderstorms.
Samantala, mapanganib at ipinagbabawal ngayong araw ang paglalayag sa mga baybaying-dagat ng Pangasinan, La Union, Ilocos Sur, Ilocos Norte, Batanes, Babuyan, Calayan, Cagayan at Isabela.
Posibleng umabot sa tatlo hanggang apat na metro ang alon sa naturang mga lugar.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.