DFA muling naglabas ng paalala sa mga Pinoy sa Hong Kong
Muling nagpaalala ang Department of Foreign Affairs (DFA) sa Filipino na planong magtungo sa Hong Kong.
Ayon sa kagawaran, sa mga Pinoy na walang urgent business sa Hong Kong, iwasan na muna ang Hong Kong International Airport (HKIA) bilang destinasyon o transit airport.
Ito ay dahil sa ‘unpredictable situation’ sa nasabing paliparan kung saan nagpapatuloy ang kilos-protesta.
Ayon pa sa DFA, maiging tumawag muna ang mga bibiyaheng Pinoy sa kanilang airline company limang oras bago ang kanilang biyahe para malaman kung tuloy ito o hindi.
Batay sa mga ulat na natanggap ng Philippine Consulate General sa Hong Kong, narito ang listahan ng mga nakatakdang rally sa Hong Kong:
Sa August 17:
– Chater Garden, Central to Central
– Government Offices, Admiralty
– Hung Hom Pier hanggang Sung Wong Toi Garden, Kowloon
Sa August 18:
– Victoria Park, Causeway Bay hanggang Chater Road, Central
Sa August 19:
“Clean up MTR carriages”
Sa August 25:
– Kwai Tiang Theatre, Kwai Chung hanggang Tsuen Wan Park
Inabisuhan ang mga Pinoy sa nasabing bansa na iwasan ang mga nabanggit na lugar para hindi madamay sa kaguluhan.
Sakaling mangailangan ng tulong, maari anilang makipag-ugnayan ang mga Pinoy sa Consulate General Hotline sa (+852) 9155-4023.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.