Singer na si Carly Rae Jepsen balik-Pinas sa Oktubre

Magbabalik-Pilipinas ang international singer na si Carly Rae Jepsen.

Sa Twitter, inanunsiyo ng Wilbros Live entertainment na kabilang ang Maynila sa ‘The Dedicated Tour’ ng Canadian singer-songwriter.

Gaganapin ang concert sa New Frontier Theater sa Quezon City sa October 23, 2019.

Magsisimulang ibenta ang mga ticket sa August 31, 2019 sa pamamagitan ng TicketNet dot com dot ph.

Ilan sa mga sumikat na kanta ni Carly ang “Call Me Maybe,” “Good Time,” at “Cut To The Feeling.”