Abandonadong kahon sa ilalim ng EDSA – Shaw Blvd., kinordonan; bahagi ng kalsada isinara sa mga motorista

(UPDATE) Isang kahon ang iniwan sa center island sa ilalim ng EDSA-Shaw Boulevard..

Ibinahagi ni MMDA EDSA Traffic Head Bong Nebrija ang larawan ng malaking kahon na iniwan sa ilalim.

Agad namang kinordonan ng mga tauhan ng Mandaluyong City police ang naturang kahon.

Isinara din ng ilang minuto sa mga motorista ang northbound at southbound lane ng EDSA-Shaw ilalim.

Nang i-detonate ay nakitang pawang styrofoam lamang ang laman ng kahon.