Pamangkin at co-accused ni Senator Leila De Lima naaresto sa Pampanga

Naaresto ng mga tauhan ng National Bureau of Investigation (NBI) ang pamangkin at co-accused ni Senator Leila de Lima sa kaniyang mga kasong may kaugnayan sa ilegal na droga.

Si Jose Adrian Dera ay dinakip sa Angeles City alas 5:30 ng umaga ng Biyernes (Aug. 16) ayon sa abogado niyang si Atty. Raymond Palad.

Dadalhin si Dera sa NBI headquarters sa Maynila.

Si Dera ay isa sa mga co-accused ni De Lima sa illegal drug case na nakasampa sa Muntinlupa City Regional Trial Court.

Dalawang taon ding pinaghanap ng mga otoridad si Dera.