Habagat bahagyang humina pero apektado pa rin ang Northern at Central Luzon
Mas nabawasan na ang kaulapang dulot ng Habagat o Southwest Monsoon.
Sa weather forecast ng PAGASA ngayong araw (Biyernes, Aug. 16) ang Habagat ay maghahatid ng maulap na papawirin na may isolated na pag-ulan sa Ilocos Region, Cordillera Administrative Region, Batanes, at Babuyan Group of Islands.
Maaring magdulot ng flash floods o landslides ang mga nararanasang malakas na buhos ng ulan.
Ang Metro Manila naman at nalalabing bahagi ng bansa ay magkakaroon lamang ng isolated na pag-ulan dahil sa localized thunderstorms.
Dahil naman sa hanging hatid ng Habagat nakataas pa rin ang gale warning sa baybaying dagat ng sumusunod na lalawigan:
– Bataan
– Zambales
– Pangasinan
– La Union
– Ilocos Sur
– Ilocos Norte
– Batanes
– Babuyan
– Calayan
– Cagayan
– Isabela
– at Aurora
Maliban sa Habagat, walang ibang weather system na binabantayan ang PAGASA sa loob at labas ng bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.