Echague, Isabela isinailalim sa state of calamity dahil sa dengue
Isinailalim na rin sa state of calamity ang Echague, Isabela dahil sa patuloy na pagtaas ng bilang ng mga nagkakasakit ng dengue.
Sa pinakahuling tala ng Echague Municipal Health Office, mula noong January hanggang July 31, 2019 ay umabot na sa 319 ang dengue cases.
Sa Echague District Hospital, kalahati ng mga nakaconfine ay dahil sa dengue ayon kay Dr. Jun Garcia, medical officer ng pagamutan.
Tiniyak naman ng opsital na handa sila sa dagsa ng mga pasyenteng may dengue dahil sapat ang kanilang mga gamot at pasilidad.
Ang desisyon ng pamahalaang lokal na magdeklara ng state of calamity ay upang mapigilan na ang pagtaas pa ng kaso ng sakit.
Magagamit na ang calamity fund sa pagbili ng dengue kits, larvicides at iba pang kagamitan para masugpo ang sakit.
Ngayong weekend, malawakang paglilinis sa kapaligiran at pag-spray sa larvicide ang isasagawa sa mga bakuran at paaralan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.