Senator Leila De Lima, bumiyahe na patungong CamSur para bisitahin ang inang may sakit

By: Dona Dominguez-Cargullo - 5 years ago

Maagang bumiyahe si Senator Leila De Lima patungo sa Bicol makaraang payagan ng korte sa Muntinlupa City na mabisita niya ang inang may sakit sa Iriga City.

Alas 2:30 ng madaling araw ng HUwebes (Aug. 15) nang lumabas sa PNP Custodial Center ang convoy ng senadora na naghatid sa kaniya patungong Ninoy Aquino International Airport (NAIA) Terminal 4.

Alas 4:30 ng madaling araw ang kaniyang flight patungong Bicol.

Base sa naging kautusan ng korte, pinayagan si De Lima na bisitahin ang ina sa Camarines Sur.

Binigyan lamang siya ng 8 oras para mamalagi sa ospital kung saan naka-confine ang ina o kung saanman ito nananatili sa ngayon sakaling na-discharge na.

Kailangan ding makabalik siya sa Custodial Center sa Augusto 16.