Magpapakitang-gilas bukas sa Luneta ang dalawang bagong FA-50 Fighter Jets ng Philippine Air Force bilang bahagi ng paggunit sa 119th death anniversary ni Dr. Jose Rizal.
Sa kanilang advisory, sinabi ng Philippine Air Force na na magsasagawa ng high speed pass on ang nasabing mga fighter jets kasunod ng magiging talumpati ni Pangulong Noynoy Aquino.
Susundan ito ng fly-by ng mga SF260 trainer plane at mga helicopters.
Ang dalawang FA-50s ay kabilang sa labing-dalawang mga fighter jets na binili ng Pilipinas sa South Korea na bahagi ng modernization project ng ating Sandatahang Lakas.
Bukas ay inaasahan din sa magbibigay ng updates ang Pangulo hingil sa pagbili pa ng ilang mga armas ng bansa na bahagi ng pagpapalakas ng pwersa ng Armed Forces of the Philippines.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.