Case build-up sa sinibak na 64 BOC employees inihahanda na ng pamahalaan

Puspusan ang ginagawang case build-up ng pamahalaan laban sa 64 na empleyado ng Bureau of Customs (BOC) na una nang sinibak ni Pangulong Rodrigo Duterte dahil sa kasong korupsyon.

Ayon kay Presidential Spokesman Salvador Panelo, nangangalap na ng karagdagang ebidensya ngayon ang pamahalaan para maging selyado ang isasampang kaso.

Una rito, sinabi ng pangulo na isandaang empleyado pa ng BOC ang kanyang sisibakin sa puwesto.

Pero ayon kay Panelo, wala pang anunsyo ang pangulo kung kailan niya ito gagawin.