Libu-libong costumers ng Manila Water sa 3 barangay sa QC mawawalan ng suplay ng tubig

Tinatayang aabot sa 20,000 costumers ng Manila Water sa Quezon City ang mawawalan ng suplay ng tubig sa susunod na mga araw.

Ito ay dahil sa power supply transfer activity na isasagawa ng Manila Water sa kanilang Luzon Water Treatment Plant.

Magaganap ang aktibidad sa pagitan ng gabi ng August 13 hanggang umaga ng August 15.

Maaapektuhan nito ang mga residente sa Barangays Holy Spirit, Pasong Tamo, ay Sauyo.

Magaganap ang service interruption araw-araw mula alas 8:00 ng gabi hanggang alas 6:00 ng umaga mula Aust. 13 hanggang 15.

Pinayuhan ng Manila Water na mag-ipon ng sapat na tubig na kanilang kakailanganin sa panahon ng water interruption.