Ayon kay PNP Spokesperson Police Brig. Gen. Bernard Banac, sa ngayon wala pang nakikitang sapat na basehan ang PNP para magdeklara ng nationwide martial law.
Sinabi ni Banac na bagaman may banta ng terorismo mula sa ISIS ay maituturing pa itong confined sa Sulu at gumagawa ang PNP at AFP ng pamamaraan para hindi ito mag-spill over sa Luzon at Visayas.
Sa ngayon sinabi ni Banac na mahigpit pa ring ipinatutupad ang seguridad sa Mindanao.
At kasabay nito ang pagpapanatili ng police presence sa Visayas at Luzon upang mapigilan ang anumang bantang pag-atake.