Malakanyang ayaw makialam sa nais ni De lima na mabisita ang may sakit na ina
Hahayaan na lamang ng Palasyo ng Malakanyang ang korte na magpasya sa hirit ni Senador Leila de Lima na pansamantalang makalabas ng kulungan sa PNP Custodial Center para mabisita ang may sakit na ina na nakaratay sa ospital sa Iriga City sa Camarines Sur.
Ayon kay Presidential Spokesman Salvador Panelo, hindi naging ugali ni Pangulong Rodrigo Duterte ang makialam sa kaso ninuman.
Ipauubaya na aniya ng Palasyo sa Department of Justice (DOJ) dahil sila ang may hawak ng kaso.
Mas makabubuti aniya na hindi na mag komento ang Palasyo sa naturang usapin sa pangambang iba ang maging pakahulugan ng iba.
Si De Lima ay isa sa mga kritiko ni Pangulong Duterte at nakakulong sa Camp Crame dahil sa pagkakasangkot sa illegal na droga.
Presidential Spokesman Panelo on @SenLeiladeLima‘s appeal to visit her ailing mother: Ever since naman the President does not interfere with any case involving anybody. Never naman siyang nakialam, so the discretion lies always on the court. @dzIQ990 @inquirerdotnet pic.twitter.com/wC1MqZCfP2
— chonayuINQ (@chonayu1) August 12, 2019
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.