5 bata patay sa sunog sa day care center sa Pennsylvania

By Dona Dominguez-Cargullo August 12, 2019 - 07:49 AM

Limang bata ang nasawi sa sunog na naganap sa isang residential building na ginagamit bilang day care center sa Pennsylvania.

Naganap ang sunog sa Erie, Linggo ng umaga ayon sa fire department sa lugar.

Ang mga biktima ay nasa pagitan ng edad 8 buwan at pitong taon.

Nasugatan naman sa nasabing insidente ang may-ari ng day care.

Apat sa mga nasawi ay magkakapatid na halos isang taon nang dinadala sa pangangalaga ng day care kada araw dahil ang kanilang magulang ay nagtatrabaho at kapwa pang gabi ang shift.

Sa living room ng pasilidad nagsimula ang apoy at patuloy ang imbestigasyon sa insidente.

TAGS: day care, fire, pennsylvania, day care, fire, pennsylvania

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.