Halos 100 arestado sa SACLEO sa Pasay City

Halos isang daan ang naaresto sa isinagawang simultaneous anti-criminality campaign ng Pasay City Police sa magkakahiwalay na lugar sa lungsod.

Ikinasa ang operasyon sa iba’t ibang barangay sa nakalipas na magdamag.

Karamihan sa mga nadakip ay pawang sangkot sa ilegal na droga, kabilang na ang mga hinihinalang tulak ng shabu.

May mga naaresto din na lumabag sa ordinansa ng lungsod, kabilang ang pag-inom ng alak sa pampublikong lugar at ang pagsusugal.

Ang mga lumabag sa ordinansa ay isinailalim sa profiling ng pulisya habang ikukulong naman ang mga sangkot sa ilegal na droga.