P51M halaga ng hinihinalang shabu, narekober sa Northern Samar

Nakuha ang hinihinalang shabu sa baybaying dagat ng Biri, Northern Samar Sabado ng hapon.

Batay sa ulat ng Police Regional Office – Eastern Visayas (PRO-8), nadiskubre ng isang mangingisda ang apat na selyadong transparent bag ng umano’y shabu sa bahagi ng Sitio Pagul sa Barangay Pio Del Pilar bandang 2:35 ng hapon.

May bigat ang ilegal na droga ng 7.5 na kilo at nagkakahalaga ng mahigit P51 milyon.

Hindi naman pinangalanan ang mangingisdang nakakita ng kontrabando.

Dinala na ang ilegal na droga sa kustodiya ng pulisya.