M4.0 na lindol naitala sa Davao Oriental

Niyanig ng magnitude 4.0 na lindol ang bahagi ng Davao Oriental alas-11:56 Biyernes ng gabi.

Ayon sa Phivolcs, ang episentro ng lindol ay sa layong 139 kilometro Timog-Silangan ng bayan ng Governor Generoso.

May lalim ang pagyanig na 110 kilometro at tectonic ang dahilan.

Dahil nasa tubig, hindi naman nagdulot ng pinsala sa ari-arian ang lindol at wala ring inaasahang aftershocks.