Kapitan ng barangay patay sa pamamaril sa Laguna; 2 pa sugatan
Patay ang isang kapitan ng barangay sa Alaminos, Laguna makaraang tambangan habang nasa palengke, Biyernes (Aug. 9) ng umaga.
Ayon sa Calabarzon police, ang biktima ay nakilalang si Romeo Sagario kapitan sa Barangay San Andres at nagmamay-ari ng meat stall sa palengke sa Barangay Poblacion 3.
Alas 4:30 ng madaling araw nagbukas ng kaniyang pwesto si Sagario, nang dumating ang tatlong lalaki at saka siya pinagbabaril.
Dalawa namang bystanders ang tinamaan ng ligaw ng bala at kapwa nasugatan.
Si Sagario ay dinala pa sa San Pablo City Medical Center pero nasawi habang nilalapatan ng lunas.
Patuloy pa ang imbestigasyon sa motibo sa pamamaslang.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.