Metro Manila, mga kalapit na lalawigan patuloy na inuulan – PAGASA

Inuulan ang Metro Manila at mga kalapit nitong lalawigan simula kaninang madaling araw.

Sa 5AM rainfall advisory ng PAGASA, dahil sa Habagat magpapatuloy pa ang pag-ulan sa susunod na mga oras.

Mahina hanggang katamtamang pag-ulan ang nararanasan sa Metro Manila, Zambales, Bataan, Bulacan, Cavite, Laguna at Rizal.

Mahina hanggang katamtamang ulan din ang mararanasan sa Tarlac, Pampanga, Batangas at Quezon.

Payo ng PAGASA sa publiko maging alerto sa posibleng pagbaha.

Muling maglalabas ng rainfall advisory ang PAGASA mamayang alas 8:00 ng umaga.